ADMISIÓN 2019-2020

30 en total (10 en cada universidade).

Resulta recomendábel, como perfil de ingreso, a existencia dunha formación académica previa no ámbito de Artes e Humanidades ou das Ciencias Sociais, especialmente ter cursado un título de Grao ou equivalente que contemple unha formación específica nos estudos lingüísticos, no ámbito da comunicación.

O baremo para valorar as solicitudes de admisión presentadas é o seguinte:
(a) Expediente académico: 75% da puntuación
(b) Estar en posesión dunha Licenciatura ou dun grao en Filoloxía, Lingüística, Tradución e Interpretación, Linguas / Letras, ou en outras licenciaturas ou graos das áreas de Humanidades e Ciencias Sociais: 5% da puntuación
(c) Conxunto do currículum vitae: 20% da puntuación (valorarase a posesión do nivel C1 en español ou en galego para estudantes estranxeiros).

Poderán acceder ás ensinanzas oficiais de máster:

1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. As persoas tituladas conforme sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.
4. Valorarase a posesión do nivel C1 de español ou galego (ou equivalente).

No caso de haber máis solicitudes que prazas ofertadas aplicaranse os criterios que a Comisión Académica publica cada ano contemplando as indicacións da memoria verificada vixente do título e as normativas das diferentes universidades.

En cada unha das tres universidades estabelécese a seguinte normativa de permanencia:

• UDC: Norma que regula o réxime de dedicación ao estudo e a permanencia e progresión dos estudantes de grao e máster universitario na Universidade da Coruña.
• USC: Normativa sobre permanencia nas titulacións de grao e máster da Universidade de Santiago de Compostela publicada no Diario Oficial de Galicia.
• UVigo: Normativa de permanencia e progreso do alumnado das titulacións oficiais de grao e de máster universitarios da Universidade de Vigo publicada no Diario Oficial de Galicia.

Cada ano estabelécese un calendario específico para a matrícula en cada unha das universidades. Cando estea aprobado este calendario poderá ser consutado nesta mesma páxina web do Mestrado MiLA, e nas webs respectivas da UDC, USC e UVigo.

O primeiro día de aulas realizarase unha reunión informativa para todo o estudantado do Mestrado. Así mesmo, durante o curso celebraranse diferentes reunións centradas en temáticas específicas, como o Traballo Fin de Mestrado ou as Prácticas en Empresas.